ХУШ КЕЛИБСИЗ

“Бўстон санаторийси” 1928 йилда ташкил этилган “Октябрнинг 10 йиллиги” дам олиш  уйи ўрнида барпо  этилган бўлиб,  Тошкент шаҳридан 30 км узоқда, “Бўзсув” ва “Зах” каналлари оралиғида , денгиз сатҳидан 450 м баландликда жойлашган.

 1994 йилда Ўзбекистон касаба уюшмалари Федерацияси Кенгаши қарори билан дам олиш уйи “Бўстон санаторийси” га айлантирилган.

Санаторий юрак-қон томир, асаб, таянч-харакат тизими ва гинекологик касалликларни даволовчи  замонавий маскан.

Бу ерда минерал сув билан, балчиқ, электр билан даволаш, магнитотерапия, лазеротерапия, галомелотерапия, даволовчи бадантарбия, уқалаш,игнатерапия, пархез  терапияси, фито бар ва кислород коктейли  билан даволаш йўлга қўйилган. Янги усуллардан  нордик юриш, стоунтерапия муолажалари киритилган.

Республика соғлиқни Сақлаш вазирлиги томонидан 2020 йил 23 апрелда тасдиқланган  "Давлат органлари ва бошқа ташкилотлар, шунингдек тадбиркорлик субъектлари фаолиятини ташкил қилишда вақтинча санитария қоидалари ва нормалари"ни СанПиН №  0372-20 (янги таҳрирда) га мувофиқ Ўзбекистон касаба уюшмалари Федерацияси тизимидаги санаторийлар ва дам олиш уйларини қайта очиш тўғрисидаги 2020 йил 14 майдаги 82 сонли буйруққа асосан уларнинг иш фаолиятини Covid-19 давридаги карантин чора-тадбирларига риоя қилган ҳолда ташкил этилди.

Covid-19 муносабати билан карантин талабларига мувофиқ дам олувчиларга хизмат кўрсатаётган барча ходимлар коронавирус таҳлилини топширганлар ва мунтазам тиббий кўрикдан ўтмоқдалар. Муолажалар тиббий ниқоб ва қўлқопларда ўтказилади.

Санаторийга дам олувчилар коронавирус таҳлилининг жавоби (5 кун ичида) билан қабул қилинадилар. Гигиена қоидаларига  кўра улардан мунтазам антисептик воситалардан фойдаланиш ёки қўлларни совун билан ювиш, тиббий ниқобларни уч маҳал алмаштириш талаб қилинади.  Даволаниш мобайнида дам олувчилар санаторий ҳудудидан ташқарига чиқарилмайдилар.

Жойлар захираси

Даволаниш нархига қуйидаги хизматлар киритилган.

  1.  Шифокор кўриги ва кузатуви
  2. Қон ва пешобнинг умумий тахлили
  3. Муҳим биохимик тахлиллардан бири
  4. Электрокардиограмма
  5. Ультратовуш диагностикаси (бир орган)
  6. Мутахассислар маслаҳати (лор, стоматолог, уролог, гинеколог, невропатолог, кардиолог).
Batafsil

Яшаш шароитлари

Учта ётоқ бинолари мавжуд. Улар кун давомида иссиқ ва совуқ сув билан таъминланган. Кабель телевидениесига уланган. Чойшаблар ҳар 5-7 кунда алмаштирилади.

Биринчи бўлим  беш қаватли бўлиб, ундан сув билан даволаш бўлими ва ошхонага ўтиш йўллари мавжуд. Ётоқлар стандарт икки хонали, балкон ва йўлакчаси бор, икки ва уч ўринли.

Люкс хоналар икки хонали, икки ўринли

Иккинчи бино бир қаватли,бир хонали стандарт ва ярим люкс ётоқ хоналардан иборат.

Batafsil